Pihak pertahanan Amerika Serikat (U.S.A) nu pusatna di Pentagon tibaheula nepika ayeuna teu wani nyerang ka Indonesia, sabab bakal loba karugian nu ditanggung ku pihak Amerika. Sabalikna pihak Indonesia ngadago-dago diserang ku Amerika, sabab hayang meunang kauntungan tina eta serangan.
Aya sababaraha sabab nu nyieun amerika teu wani nyerang Indonesia, nyaeta ;
1. Pas turun tina kapal laut, maranehna geus tangtu dihadang ku patugas bea cukai kulantaran datang mawa senjata tajam jeung perlengkapan perang teu aya ijin ti pamarentah Indonesia. Daek teu daek eta Amerika kudu nyadiakeun 'Uang Damai' atawa duit leuleueur supaya lancar dina nyerangna. Coba bayangkeun, kudu nyadiakeun duit sabaraha lamun eta babawaan Amerika teu kaitung lobana.
2. Lamun maranehna nyieun Base Camp Militer, geus pasti disabudeureun eta base camp teh dikulilingan ku tukang baso, tukang es kalapa, tukang kaset vcd, nepika tukang calana jero sapuluh rebu tilu nu nyoba pada-pada neangan rejeki tinu ngeusian eta base camp. Malah bisa jadi para pangusaha komedi puter katut para pengusaha daging atah milu mangkal, milu usik neang kauntungan tina jualan.
3. Dinas Perparkiran daerah bakal meunang kauntungan gede tina jasa parkir kandaraan-kandaraan perang jeung tank-tank waja nu diparkir disabudeureun eta base camp. Lamun misalna sajamna 10.000 rebu tina hiji kandaraan (ieu tarif khusus keur bule), coba bayangkeun sabaraha duit nu kudu dikaluarkeun ku Amerika lamun seug eta kandaraan parkir salila sabulan ?? Wah banguna matak bangkrut mereun.
4. Dimana eta kandaraan kaluar, saparat jalan pasukan Amerika pasti bakal panggih jeung nu disebut Mr. Cepe atawa pulisi cepe anu api-api ngomean jalan tuluy ngasongkeun kaleng nu eusian receh. Ditambah deui lamun manehna manggih pertigaan atawa jalan cagak tilu atawa leuwih, maranehna kudu nyiapkeun receh deui keur si Mr. Cepe-cepe liana.
5. Lamun keur abring-abringan kandaraan atawa konvoi, ieu oge jadi hiji masalah keur amerika, sabab konvoi mah dimana-mana oge pasti laun maju kandaraan nana. Tah ieu bisa jadi hiji kasempetan keur nu ngamen, barang maen jeung barudak jalanan neang rejeki, nu daek teu daek kudu nyadiekeun deui duit receh. Komo mun kaparengan panggih jeung pulisi bokek mah, geus tangtu bakal dieureunkeun eta konvoi teh kulantaran teu ijin heula ka aparat pulisi setempat. Daek teu daek deui kudu nyadiakeun duit damai keur kalancaran konvoi eta.
6. Di base camp militer, tentara amerika can puguh bisa sare, sabab diganggu reungit anu kalaparan lir ibarat Vampire. Acan tengah peutingna bakal didatangan ku rupa-rupa awewe anu sakapeung seuri sakapeung deui ceurik. Ari kudu namah bungah mun dibaturan ku awewe teh pan urang bule mah geus aya katelahna kencan tea, tapi ieu mah pan nu datang nage awewe nu bolong tonggongna, matak lain bungah tapi matak paranas tiris nu aya.
7. Isukna, tentara amerika moal bisa mandi, sabab disaparat walungan geus pinuh ku 'RUDAL KONENG' nu ditembakkeun ku warga daerah eta tina 'Flying Helicopter' alias jamban atawa wc diluhur susukan, kadang bisa oge langsung kaluar tina bujur warga nu nongkrong sisi susukan.
8. Tentara amerika moal bisa jauh tina alat-alat perangna, sabab meleng saeutik eta alat-alat perang pasti aya nu nyokot atawa ngahaja dipretelan ku tukang plak-plek terus dijual kiloan ka tukang loak. Ditambah deui ku kumpulan curanmor nu geus siap ngintei bari mawa konci-T nu siap ngarebut Jip-jip perang maranehna. Kari ngadempul terus dicat saeutik, tangtu bisa payu mahal mun dijual ka barudak menak nu hayang gagayaan.
9. Nu leuwih parah deui, eta awak tentara amerika teh bakal kakeunaan panyakit kulit ateul, panu jeung sajabana kulantaran tara ganti baju. Sabab lamun wawanianan moe baju terus meleng saeutik, tangtu isukna eta baju nu dipoekeun teh geus aya nongkrong dipasar jatinegara dilapak-lapak tukang baju urut.
10. Acan deui maranehna kudu mayar sewaan tanah nu ditempatan(nu dijieun base camp) ka Haji Husein, Haji mamat, Aki Memed, Bah Ucu jeung sajabana anu ngarasa ngabogaan kana eta tanah. Sajaba ti eta, kudu menta ijin oge ka RT/RW kadituna kelurahan jeung kacamatan. Sok,,kudu nyadiakeun sabaraha amplop keur ngalancarkeun perijinan ieu.
11. Katambah deui, komandan-komandan tentara amerika jadi boga tugas tambahan nyaeta ngawasi anak buahna nu loba kaluar ti base camp kusabab hayang nonton dangdut, komo mun nu manggungna inul mah atawa ayu Ting-ting nu keur ngetrend ku alamat palsuna,,,sabab diurang mah mun acara hajatan teh geus tangtu aya dangdut komo mun rek 17-an mah,,,
Hehehe,,,
Tah, eta sababaraha hal nu nyieun amerika lieur nyerang ka Indonesia, sabab can aya Ahli keuangan amerika nu bisa ngitung kana biaya salila diindonesia.
Rek percaya sukur,,,henteu oge teu nanaon. Da ieu mah ngan saukur beja tinu burung (mun bahasa indonesia mah 'KABAR BURUNG'). Nu ngakuna mah geus kungsi panggih jeung Saddam Husein, nyaeta presiden amerika tea !!!
================================================================================================================
NB : Ieu tulisan kantos muat dina pesbuk, mung nganggo bahasa Indonesia, tah ayeuna ku akang di aransemen kana sunda, ngan loba ditambahan ngarah lieur macana.
Sakitu we ah,,,
Wassalam,,,
Jakarta, 21 Oktober 2011
penulis
(AlmarhumKabayan/Haji Nonoh/A.S.H)
Tidak ada komentar:
Posting Komentar